Авылым турында
Блогның авторлары
Элемтә
Музей
Шигырьләр
Авылыбыз горурлыгы
Авылым сулышы
Бөек җиңү
Күршеләр
Мәктәп тормышы
Туган ягым
Шигърият
Сентябрь 3rd, 2014 
admin 
Кичә, 2 нче сентябрь көнне Якты Күл авылы мәдәният йортында «Бердәм Россия» партиясе инициативасы белән оештырылган Якты Күл авылы халкы җыены үтте. Бу җыенда авыл халкын борчыган сорауларга Нурлат районы администрациясе башлыгы Р.А.Кузюров, Яңа Иглай авыл советы рәисе Г.М.Лотфуллина җавап бирделәр. Шулай ук бу җыенга районның күп кенә оешма җитәкчеләре, вәкилләре чакырылган иделәр.
Туган йорт
И туган йорт! Җанга газиз син булганга, Күңелемнең чишмәләре Мөлдерәпләр бер тулгана. Кошларның да Үз илендә бар оясы- Яу чыкканда аркаланып Сыенырлык таш кыясы. Яшәү өчен Таянырлык иң зур терәк- Туган җирдә туган нигез, Туган йортың булу кирәк. Фәүзия Мөхәммәтова
Һәр фасылның асыл иткән, табигый тылсымдыр ул…
Гомернең инде көзләргә Дисәк тә кергән мәле — Йөрәк һаман унсигездә, Күңел һаман яшь әле. Йөрәк һаман унсигездә, Гүя якты аҗаган: Көзләрнең дә үз балкышы, Ник алгысына бу җан?! Үзең түгел ич, күңелең Язда, дисәләр әгәр, Үпкәләмәм - көзләрем дә Язларга килә тәңгәл… Ф.Мөхәммәтова
Халык җыены
Белем бәйрәме !
Беренче сентябрь – минем
Бәхет-шатлыклы көнем
Сагынып белем учагын,
Мин кабат сиңа килдем.
Дулкынданып карап торам
Юксындырдың, мәктәбем,
Син – минем үткән гомерем,
Син – минем киләчәгем.
Авылыбыз горурлыгы
Якты Күл авылында туып-үскән кешеләр безнең илебезнең төрле төбәкләрендә- төрле шәһәр, районнарда яшәп, төрле эшләрдә эшлиләр.Араларында зур дәрәҗәләргә ирешеп олы мәртәбәгә лаек булучылары да байтак.Алар турында мөмкин кадәр мәгълүмат бирү, ул кешеләрнең генә түгел, авылның да йөзен бизи,абруен күтәрә.
Якты Күлем
Фәүзия Мөхәммәтова Нурлат районы Якты Күл авылында туган, хәзерге вакытта шул ук районның Югары Норлат авылында яши.
Һөнәре белән шәфкать туташы буларак, Фәүзия ханым кешеләрнең тәннәрен дәвалаудан тыш иҗаты белән аларның җаннарына да шифа бирә. Тирә-юньдәге һәр вакыйганы үзенең йөрәге аша уздыра да авылдашлары хозурына йә җыр, йә кыйсса рәвешендә кире кайтара. Халкыбызның борынгыдан калган җырлар мирасын Фәүзия ханым кебек халыкның үз арасында тыйнак кына гомер кичергән исемсез шагыйрьләр — аһәңсазлар калдырган. Шуңа күрә дә лирик шигырьләренең шактые моңлы җырларга әверелгән Фәүзия Мөхәммәтованы бик бәхетле иҗатчы дип атарга була.
Гади генә авыл баласымын,
Гади генә шәфкать туташы.
Күңел кылларымны моңлы иткән
Авыл һавасының шифасы.
Басар өчен әрнү-газапларны
Җан азыгы-җылы сүз белән
Йөрәк түрләреннән ургып чыккан
Шигырь-дәва кирәк дип беләм!
Туган авылым — горурлыгым
Нәкъ Тукай абый язганча, тау башына салынгандыр безнең авыл, бер чишмә бар якын безнең авылга ул. Минем авылым иң гүзәл авылларның берседер. Исеме дә җисеменә туры килеп тора. Якты күл… Якында гына куе урман. Бер ягыннан бормаланып Кондырча елгасы ага. Искиткеч минем авылымның табигате! Кышын бигрәк тә җәйге иртәләрне сагынам. Талгын гына салкын җил исә, кояш нурлары тәрәзәдән күзне чагылдыра. Бар җиһанга кошлар җыры тарала. Бары тик шушындый табигатьтә яшәүчеләр генә туган ягының кадерен белеп яшидер төсле. Авылымның халкы да кешелекле, инсафлы һәм кунакчыл.
Авыл уртасында – иман йорты. Ул бервакыт та буш булмый. Бигрәк тә җомга көнне. Мәчетебез зур да, бик матур һәм үзенә җәлеп итеп тора.
Ә быел безнең авыл халкы өчен күптән көткән сөенечле хәл булды. Авыл уртасына Мәдәниять йөрты салынды. Әйе, бик яратам мин авылымны, аның табигатен, кешеләрен. Күңелемне бетмәс – төкәнмәс горурлык хисе били. Мин уземне чиксез бәхетле тоям! Кечкенә генә авылымны бетермичә, аның өчен борчылып яшәүче апа- абыйларга, әби – бабайларга, җитәкчеләргә мең – мең рәхмәт! Әкияттәгедәй яшибез бит!
Без рубрики